بلوچستان کے دارالحکومت کوئٹہ میں قمبرانی روڈ کے علاقے لنک شاہوانی کراس کے قریب پولیس ناکے کے پاس دو بم دھماکے ہوئے، جن میں خوش قسمتی سے کوئی جانی نقصان نہیں ہوا۔ پہلے دھماکے کے بعد بم ڈسپوزل اسکواڈ کی گاڑی کو نشانہ بنایا گیا، تاہم اہلکار محفوظ رہے۔ پولیس نے علاقے کو گھیرے میں لے کر سرچ آپریشن شروع کر دیا اور حساس مقامات پر سیکیورٹی مزید سخت کر دی گئی۔ ابتدائی تحقیقات کے مطابق دھماکے ریموٹ کنٹرول سے کیے گئے۔
