اسلام آباد: وزیر دفاع خواجہ آصف نے کہا ہے کہ بھارت فالس فلیگ آپریشن کی تیاری کر رہا ہے، تاہم کسی بھی ممکنہ جارحیت کی صورت میں پاکستان بھرپور جواب دے گا۔
خواجہ آصف نے اپنے بیان میں کہا کہ خطے میں امن کا قیام نہایت ضروری ہے اور برادر ممالک کے درمیان اتفاق ہونا چاہیے۔ انہوں نے دعویٰ کیا کہ پاکستانی افواج نے ماضی میں بھارت کو جنگ میں شکست دی۔
انہوں نے کہا کہ بھارت کسی ڈرامے کی تیاری کر رہا ہے، لیکن اگر ایسا کوئی قدم اٹھایا گیا تو پاکستان مؤثر اور سخت ردعمل دے گا۔
وزیر دفاع کا کہنا تھا کہ کسی بھی جارحیت کی صورت میں جواب محدود نہیں ہوگا بلکہ دشمن کو بھرپور انداز میں جواب دیا جائے گا۔
انہوں نے مزید کہا کہ پاکستان خطے میں ایک اہم کردار ادا کر رہا ہے اور دعا کی کہ ملک اپنے اس کردار میں کامیاب ہو۔
خواجہ آصف نے آخر میں خطے میں امن، استحکام اور برادر ممالک کے درمیان اتحاد کے لیے دعا کی۔
