انسانی اسمگلروں نے یورپ بھجوانے کا جھانسہ دے کر 12 پاکستانی نوجوانوں کو ایران میں اغوا کر لیا اور ان پر تشدد کی ویڈیوز اہل خانہ کو بھیج کر تاوان طلب کر لیا۔
ترجمان ایف آئی اے لاہور زون کے مطابق متاثرہ نوجوانوں سے ایران کے راستے اٹلی بھجوانے کے نام پر بھاری رقوم وصول کی گئی تھیں۔ واقعے کا مقدمہ درج کر لیا گیا ہے اور انسانی اسمگلروں کی گرفتاری کے لیے مختلف مقامات پر چھاپے مارے جا رہے ہیں۔
ایف آئی اے کے مطابق مغوی نوجوانوں کی بازیابی کے لیے خصوصی تحقیقاتی ٹیمیں تشکیل دے دی گئی ہیں، جبکہ ان کا سراغ لگانے کے لیے بیرون ملک متعلقہ اداروں سے بھی رابطے کیے جا رہے ہیں۔
