نائب وزیراعظم اور وزیر خارجہ اسحاق ڈار او آئی سی وزرائے خارجہ کونسل کے اجلاس میں شرکت کے لیے سعودی عرب پہنچ گئے۔
ترجمان دفتر خارجہ کے مطابق جدہ آمد پر پاکستانی سفیر احمد فاروق اور قونصل جنرل خالد مجید نے اسحاق ڈار کا استقبال کیا۔
اجلاس میں رکن ممالک کے وزرائے خارجہ فلسطین کی سنگین صورتحال، اسرائیلی فوجی جارحیت اور غزہ پر مکمل کنٹرول کے منصوبے پر مشاورت کریں گے۔ ترجمان نے بتایا کہ اجلاس میں فلسطینی عوام کے حقوق کی سنگین خلاف ورزیوں کے مشترکہ جواب پر بھی غور کیا جائے گا۔
واضح رہے کہ او آئی سی وزرائے خارجہ کا غیر معمولی اجلاس آج او آئی سی سیکرٹریٹ جدہ میں منعقد ہو رہا ہے۔
