وزیراطلاعات پنجاب عظمیٰ بخاری نے واضح کیا ہے کہ دورہ جاپان کے دوران وزیراعلیٰ پنجاب مریم نواز کے ساتھ گئے فیملی ممبرز کے اخراجات خود برداشت کیے گئے۔
انہوں نے لاہور میں نیوز کانفرنس کے دوران کہا کہ مریم نواز کے ساتھ 16 رکنی سرکاری وفد کے اخراجات کا ریکارڈ موجود ہے اور اس کا آڈٹ بھی کیا جائے گا۔
عظمیٰ بخاری نے کہا کہ عوام کو یہ دیکھنا چاہیے کہ دورے سے پاکستان اور پنجاب میں سرمایہ کاری آئے گی، نہ کہ اس پر بحث کہ مریم نواز نے کیا پہنا یا کہاں کھانا کھایا۔
