ایرانی صدر مسعود پزشکیان نے وزیراعظم شہباز شریف سے ٹیلی فونک رابطے میں پاکستان کے عوام کو مشکل وقت میں ہر ممکن مدد فراہم کرنے کی پیشکش کی۔
ایرانی صدر نے سیلاب سے جاں بحق افراد کے لیے گہرے دکھ اور افسوس کا اظہار کیا اور متاثرہ خاندانوں کے ساتھ یکجہتی کا پیغام دیا۔
وزیراعظم شہباز شریف نے ایرانی صدر کے ہمدردی کے پیغام پر شکریہ ادا کیا اور سوشل میڈیا پر بیان جاری کرتے ہوئے ایران کی حمایت اور یکجہتی کی قدر دانی کی۔
وزیراعظم نے ایرانی صدر کو ایران کے سپریم لیڈر کے لیے نیک خواہشات کا پیغام بھی پہنچایا اور تیانجن، چین میں ایس سی او سمٹ کے دوران ملاقات کے منتظر ہونے کا اعلان کیا۔
