بنوں میں سیدگئی چیک پوسٹ کے قریب سیکیورٹی فورسز نے کارروائی کے دوران لکڑیوں سے بھری ایک گاڑی سے بڑی مقدار میں دھماکا خیز مواد برآمد کیا۔ گاڑی شمالی وزیرستان سے آرہی تھی اور اس میں بارود سے بھرے ڈرم اور دیگر مواد چھپایا گیا تھا۔
سیکیورٹی ذرائع کے مطابق وارننگ اور فائرنگ کے باوجود ڈرائیور گاڑی چھوڑ کر فرار ہو گیا۔
بم ڈسپوزل ٹیموں نے موقع پر پہنچ کر برآمد ہونے والے دھماکا خیز مواد کو ناکارہ بنا دیا اور علاقے کو کلیئر کر دیا گیا۔
