امریکی میڈیا کے مطابق 2019 میں امریکی نیوی سیلز کا خفیہ آپریشن شمالی کوریا میں ناکام رہا، جس کے دوران دو سے تین شہری ہلاک ہوئے۔
نیویارک ٹائمز کے مطابق یہ مشن صدر کم جونگ اُن کی جاسوسی کے لیے ’’سننے والے آلات‘‘ نصب کرنے کے لیے شروع کیا گیا تھا، لیکن کارروائی فوری طور پر بے نقاب ہو گئی اور عام شہریوں کو نشانہ بنایا گیا۔
صدر ڈونلڈ ٹرمپ نے دعویٰ کیا کہ انہیں اس مشن کا علم نہیں تھا۔ رپورٹ میں بتایا گیا کہ امریکی کمانڈوز بحفاظت فرار ہوگئے اور ہلاکتوں کو بعد ازاں جائز قرار دیا گیا۔
یہ واقعہ امریکی ایلیٹ فورسز کی دنیا بھر میں خفیہ اور آزادانہ کارروائیوں کی حساسیت اور خطرات کو ظاہر کرتا ہے۔
