وزیر اعلیٰ پنجاب مریم نواز شریف کی ہدایت پر ٹورزم ڈویلپمنٹ کارپوریشن پنجاب کے منیجنگ ڈائریکٹر عاصم رضا نے ریجنل منیجر معظم نذیر کے ہمراہ ٹی ڈی سی پی ریزورٹ پتریاٹہ کا دورہ کیا اور پنجاب کے پہلے ٹری ہاؤس کا افتتاح کیا۔منیجنگ ڈائریکٹر عاصم رضا نے اس موقع پر گفتگو کرتے ہوئے کہا کہ یہ شاندار اور ماحولیاتی دوسترہائش اپنی نوعیت کا پہلا منصوبہ ہے
جو سیاحوں کو قدرتی جنگلات کے دل میں درختوں کے بیچ قیام کا منفرد تجربہ فراہم کرے گا۔ ٹری ہاؤس میں جدید سہولیات اور قدرتی حسن کا امتزاج سیاحوں کے لیے یادگار لمحات تخلیق کرے گا، جو مری کی سیاحت کو ایک نئی پہچان دے گا۔ٹری ہاؤس مری کو ایک جدید اور پائیدار سیاحتی مقام کے طور پر اجاگر کرنے میں سنگِ میل ثابت ہوگا۔ یہ سہولت نہ صرف ملکی بلکہ غیر ملکی سیاحوں کے لیے بھی پرکشش ثابت ہوگی۔
یہ منصوبہ ٹورزم ڈویلپمنٹ کارپوریشن پنجاب کے اس عزم کا اظہار ہے کہ وزیر اعلیٰ پنجاب محترمہ مریم نواز شریف اور وزیر سیاحت محترمہ مریم اورنگزیب کے وژن کے مطابق مری کو ایک جدید، پائیدار اور عالمی معیار کے سیاحتی مقام کے طور پر ترقی دی جائے
