امریکی ریاست شمالی کیرولائنا کے شہر کلنٹن کے شہری کورے ہیملٹن نے اپنی 40 ویں سالگرہ سے چند روز قبل لاٹری میں جیک پاٹ انعام جیت کر خوشی دوبالا کر لی۔
کورے ہیملٹن نے بتایا کہ وہ ساؤتھ ایسٹ بولیوارڈ میں ایک اسٹور سے لاٹری ٹکٹ خرید کر لائے اور اگلے روز صبح ساڑھے تین بجے قرعہ اندازی کے نتائج دیکھے۔ نتائج کے مطابق وہ 1 لاکھ 30 ہزار ڈالر، یعنی تقریباً 3 کروڑ 65 لاکھ پاکستانی روپے کے انعام کے حق دار ٹھہرے۔
انہوں نے کہا کہ یہ انعام ان کے لیے بالکل بروقت آیا ہے اور وہ خوشی کے اس لمحے کو بیان کرنے کے لیے الفاظ نہیں ڈھونڈ پا رہے۔
