یوکرینی صدر ولادی میر زیلنسکی نے کہا ہے کہ روس سے جنگ کے خاتمے کے بعد وہ صدارت چھوڑنے کے لیے تیار ہیں۔ غیر ملکی خبر ایجنسی کے مطابق امریکی نیوز ویب سائٹ کو دیے گئے انٹرویو میں زیلنسکی نے کہا کہ ان کا مقصد جنگ کو ختم کرنا ہے، نہ کہ عہدے پر قائم رہنا۔ واضح رہے کہ روس اور یوکرین کے درمیان 2022 سے جاری جنگ میں اب تک لاکھوں فوجی اور شہری ہلاک یا زخمی ہو چکے ہیں، جبکہ جنگ بندی کی متعدد کوششیں ناکام رہی ہیں۔
