کامسیٹس یونیورسٹی کے فیکلٹی ممبران کی بڑی تعداد نے سینیٹ کے فیصلوں پر عملدرآمد نہ کرنے پر احتجاج کیا جس میں سلیکشن بورڈ کے اجلاسوں اور یونیورسٹی فنانس اینڈ پلاننگ کمیٹی کی جانب سے منظور شدہ پے اسکیل پر نظر ثانی شامل ہے۔یونیورسٹی کی اکیڈمک اسٹاف ایسوسی ایشن کے زیر اہتمام احتجاج میں ، اساتذہ نے ریکٹر کے دفتر پرڈاکٹر پروفیسر ساجدقمرکے مبینہ طور پر غیر قانونی قبضے کی مذمت کی اور اسے سی یو آئی ایکٹ کی خلاف ورزی قرار دیا۔
مقررین نے داخلوں میں مبینہ بے ضابطگیوں ، ترقیوں میں تاخیر ، اور مناسب اضافے سے انکار کی طرف اشارہ کیا ، اور ان اقدامات کو غیر منصفانہ اور تعلیمی سالمیت کے لئے نقصان دہ قرار دیا۔ مظاہرین نے قانونی حکمرانی کی فوری بحالی، سینیٹ کی ہدایات پر عملدرآمد اور رکاوٹ ڈالنے کے ذمہ دار اہلکاروں کا سخت احتساب کا مطالبہ کیا۔ اے ایس اے لاہور چیپٹر نے خبردار کیا کہ اگر ان کے حقیقی مطالبات کو مزید نظر انداز کیا گیا تو مظاہروں میں اضافہ ہو جائے گا
