آذربائیجان کے یومِ فتح کی پریڈ کے دوران باکو کی فضاؤں میں جے ایف 17 تھنڈر اور ایف 16 طیاروں کی گھن گرج نے حاضرین کا لہو گرمادیا۔
پاک فوج کے خصوصی دستے نے پریڈ میں حصہ لیا اور قومی پرچم تھامے ہوئے مہمانوں کو سلامی دی۔ پاکستانی ہیلی کاپٹروں نے بھی ترکی اور آذربائیجان کے ساتھ مل کر فلائی پاسٹ میں حصہ لیا۔
زمین پر ٹینکوں اور میزائلوں کی نمائش بھی کی گئی، جسے دیکھنے والے ناظرین نے پاکستان، آذربائیجان اور ترکی کے فوجی دستوں کی مہارت اور پیشہ ورانہ صلاحیتوں کو سراہا۔
