واشنگٹن میں امریکا نے تائیوان کو اسلحہ فروخت کرنے کی منظوری دے دی ہے، جس سے چین اور امریکا کے تعلقات میں مزید کشیدگی کا امکان ظاہر کیا جا رہا ہے۔ یہ منظوری صدر ڈونلڈ ٹرمپ کے دور میں پہلی بار دی گئی ہے۔
معاہدے کے تحت تائیوان 330 ملین ڈالر مالیت کے ایف-16 اور سی-130 طیاروں کے پرزے خریدے گا۔ اس فیصلے پر چین نے سخت ردِعمل دیتے ہوئے کہا ہے کہ امریکی اسلحہ فروخت چین کی خودمختاری اور سلامتی کے لیے خطرہ ہے، جبکہ امریکا باضابطہ طور پر ’’ون چائنا پالیسی‘‘ کی حمایت کرتا ہے۔
