معروف یوٹیوبر ڈکی بھائی کی رہائی کے بعد ان کی اہلیہ عروب جتوئی نے اپنا پہلا بیان جاری کیا ہے۔
عروب جتوئی نے انسٹاگرام اسٹوری پر بتایا کہ سعد (ڈکی بھائی) اس وقت سوشل میڈیا سے وقفہ لے رہے ہیں، اور رہائی کے بعد نہ انہوں نے کوئی نیا کونٹینٹ بنایا ہے اور نہ ہی کسی کے ساتھ تصویر بنوائی ہے۔
انہوں نے مداحوں اور عوام سے درخواست کی کہ افواہوں یا جھوٹی معلومات پر یقین نہ کریں تاکہ کسی قسم کی غلط فہمی پیدا نہ ہو۔
عروب جتوئی نے مزید کہا کہ ڈکی بھائی جلد سوشل میڈیا پر واپس آئیں گے اور پہلے سے زیادہ مضبوط انداز میں اپنا سفر دوبارہ شروع کریں گے۔
واضح رہے کہ ڈکی بھائی جوئے کی ایپس کی تشہیر کے الزام میں مقدمات کا سامنا کر رہے تھے اور دو روز قبل تین ماہ بعد جیل سے رہا ہوئے تھے۔
