بانی پی ٹی آئی عمران خان نے کہا ہے کہ وہ اپنے مؤقف سے ایک انچ بھی پیچھے نہیں ہٹیں گے اور عوام کی آزادی لے کر رہیں گے یا شہادت کے لیے تیار ہیں۔
خیبرپختونخوا ہاؤس اسلام آباد میں پریس کانفرنس کرتے ہوئے پی ٹی آئی کے سیکریٹری جنرل سلمان اکرم راجا نے بتایا کہ بانی پی ٹی آئی قیدِ تنہائی کا شکار ہیں، اوپن اور فئیر ٹرائل کے عدالتی احکامات کے باوجود فیملی اور وکلا کو عدالت تک رسائی نہیں دی جا رہی، جبکہ سماعت ویڈیو لنک پر کی جا رہی ہے۔
سلمان اکرم راجا کے مطابق بانی پی ٹی آئی نے کہا ہے کہ انصاف کے تمام دروازے بند ہو چکے ہیں اور عوام کے پاس احتجاج کے سوا کوئی آپشن نہیں، اس لیے عوام سڑکوں پر آ کر اپنے حقوق کے لیے آواز بلند کریں۔ بانی پی ٹی آئی نے اسٹریٹ موومنٹ کی تیاری شروع کرنے کی ہدایت بھی دی ہے۔
