نگراں وزیرِ آئی ٹی ڈاکٹر عمر سیف کا کہنا ہے کہ پاکستان کا سب سے بڑا مسئلہ بوسیدہ نظام ہے۔ڈاکٹر عمر سیف نے اپنے ایک بیان میں کہا کہ ہمارے ادارے سست ہیں، پالیسیوں کا تسلسل نہیں، ہمیں نظام میں بنیادی اصلاحات کرنے کی ضرورت ہے۔ اُنہوں نے ایس آئی ایف سی کے بارے میں اپنے خیالات کا اظہار کرتے ہوئے کہا کہ خصوصی سرمایہ کاری کی سہولت کونسل (ایس آئی ایف سی) میں امید کی کرن نظر آتی ہے۔نگراں وزیرِ آئی ٹی نے مزید کہا کہ ایس آئی ایف سی میں پالیسیوں کا تسلسل اور ایک ایجنڈا ہے۔ڈاکٹر عمر سیف کا یہ بھی کہنا ہے کہ نگراں حکومت نے پالیسی اصلاحات کی ذمے داری پوری کی ہے۔
