راولپنڈی :پاک فوج کے شعبہ تعلقات عامہ کی جانب سے جاری بیان کے مطابق چیئرمین جوائنٹ چیفس آف اسٹاف کمیٹی اور مسلح افواج کے سربراہان کی قیادت میں مسلح افواج پاکستان نے ملک کے شہریوں کو دلی مبارکباد پیش کی ہے۔ یہ مبارک موقع اس انتھک جدوجہد اورغیرمتزلزل عزم کی یاد دلاتا ہے جس کے نتیجے میں برصغیر کے مسلمانوں کے لئے ایک آزاد وطن کے طور پر پاکستان کا قیام عمل میں آیا اور مسلح افواج بھارت بالخصوص مقبوضہ کشمیر میں مسلمانوں کو درپیش چیلنجز کا اعتراف کرتی ہیں ۔پاک افواج نے کہا ہے کہ یہ امید افزا دن برصغیر کے مسلمانوں کی عظیم کاوشوں کی یاد دلاتا ہے جب انہوں نے مسلمانوں کے لیے علیحدہ وطن کے لیے ہمارے عظیم رہنماؤں کے وژن کے مطابق ہماری تقدیر کا تعین کیا تھا۔
آئی ایس پی آر نے کہا کہ یوم پاکستان کی تاریخی اہمیت پر روشنی ڈالتے ہوئے مسلح افواج برصغیر کے مسلمانوں کی غیر معمولی کاوشوں کو خراج تحسین پیش کرتی ہیں جنہوں نے اپنے عظیم رہنماؤں کی دور اندیش قیادت میں ایک علیحدہ قوم تشکیل دی جہاں وہ اپنی مذہبی، ثقافتی اور سیاسی آزادیوں کو استعمال کرسکتے ہیں۔یہ امید افزا دن برصغیر کے مسلمانوں کی عظیم کاوشوں کی یاد دلاتا ہے جب انہوں نے مسلمانوں کے لئے ایک علیحدہ وطن کے لئے ہمارے عظیم رہنماؤں کے وژن کے مطابق ہماری تقدیر کا تعین کیا۔
تقریبات کے دوران مسلح افواج نے بھارت میں مسلمانوں کو درپیش چیلنجز کا بھی اعتراف کیا، خاص طور پر بھارت کے غیر قانونی طور پر مقبوضہ جموں و کشمیر میں، جہاں وہ فاشسٹ حکومت کی حکمرانی کے تحت شدید جبر اور مظالم برداشت کر رہے ہیں۔بیان میں مزید کہا گیا ہے کہ اس دن پاکستان کی مسلح افواج مادر وطن کے دفاع اور اس کی خودمختاری اور علاقائی سالمیت کے ہر وقت اور کسی بھی قیمت پر تحفظ کے عزم کی تجدید کرتی ہیں۔ اور انشاء اللہ قومی پرچم بلند کریں۔
