پاکستان مسلم لیگ (ن) کے سینئر رہنما اور وزیراعظم کے مشیر برائے سیاسی امور رانا ثناء اللّٰہ نے کہا ہے کہ لاہور پولیس چیف نے علیمہ خان کے بیٹے کی گرفتاری کی تردید کی ہے۔ انہوں نے کہا کہ علیمہ خان کا الزام ثابت ہونے تک صرف الزام ہی ہے۔
ضمانت اور 9 مئی کیسز پر رانا ثناء اللّٰہ کا موقف
رانا ثناء اللّٰہ نے کہا کہ کسی بھی مقدمے میں ضمانت ملنا عبوری ریلیف ہوتا ہے اور 190 ملین پاؤنڈ کیس شواہد کے اعتبار سے مضبوط کیس ہے۔ انہوں نے یاد دہانی کرائی کہ جن لوگوں کو 9 مئی کیسز میں سزائیں ہوئیں، وہ بھی ضمانتوں پر تھے۔
پی ٹی آئی اور قومی سیاست پر رانا ثناء اللّٰہ کی رائے
انہوں نے کہا کہ نواز شریف نے مینار پاکستان جلسے میں قومی ڈائیلاگ کی بات کی تھی، جبکہ پی ٹی آئی جمہوریت پر یقین نہیں رکھتی اور راہ فرار اختیار کر رہی ہے۔ رانا ثناء اللّٰہ نے مزید کہا کہ پی ٹی آئی مذاکرات پر یقین نہیں رکھتی، یہ بات سیاسی ماحول کے لیے تشویش کا باعث ہے۔
