لاہور: سابق وفاقی وزیر اور مسلم لیگ ن کے سینئر رہنما خواجہ سعد رفیق نے لاہور میں خطاب کرتے ہوئے کہا کہ عوام الیکشن میں شیر کی جیت کے لیے کمربستہ ہو جائیں۔ انہوں نے حافظ نعمان کے حوالے سے کہا کہ ان کا تعلق پرانا ہے اور وہ کیمپ جیل میں اکٹھے رہے۔
خواجہ سعد رفیق نے 2018 کے الیکشن کا ذکر کرتے ہوئے کہا کہ ثاقب نثار اور گٹھ جوڑ نے الیکشن چرایا لیکن حافظ نعمان اور ان کے خاندان نے ہمت نہیں ہاری، اور میاں نواز شریف و شہباز شریف نے ایک بہترین شخص کو منتخب کر کے عوام کے پاس بھیجا۔
سابق وزیر نے کہا کہ ڈی ایم کے دور میں حکومت چلانے میں ماضی کے مسائل کا سامنا کرنا پڑا، پاکستان دیوالیہ کے قریب تھا اور دشمن گھات لگائے بیٹھا تھا۔ انہوں نے مزید کہا کہ آئی ایم ایف کے بغیر کوئی ملک مدد کے لیے تیار نہیں ہوتا، اور نواز شریف و شہباز شریف نے آئی ایم ایف کو خیر آباد کہہ دیا تھا۔
خواجہ سعد رفیق نے دہشت گردی کے بڑھتے ہوئے واقعات پر تشویش ظاہر کی اور کہا کہ دہشت گرد دوبارہ ملک میں آ کر حملے کر رہے ہیں، جس سے جمہوریت متاثر ہو رہی ہے۔ انہوں نے عوام سے اپیل کی کہ کھلی الیکشن مہم چلائیں لیکن نتائج بھی تسلیم کریں۔
انہوں نے لاہور کے عوام سے کہا کہ شہر سے باہر بھی دیکھیں، دیگر صوبوں میں ترقی کے منصوبوں کا جائزہ لیں، اور اپنی خدمات کا موازنہ کریں۔ ن لیگی رہنما نے کہا کہ ہمارا پیغام محبت اور اتحاد کا ہے اور صوبوں میں پانی کی کمی اور ڈیموں کی اہمیت پر زور دیا۔
