کراچی کی رضویہ کالونی میں ڈاکوؤں نے شہریوں سے لوٹ مار کے بعد تشدد کیا اور بعض کو سڑک پر مرغا بنا دیا۔ واردات کی سی سی ٹی وی فوٹیج کے مطابق چار ملزمان کار میں سوار ہو کر 15 منٹ تک متعدد شہریوں سے موبائل فون، نقدی اور موٹر سائیکل چھینتے رہے۔ لٹنے والے جب شکایت کے لیے تھانے پہنچے تو عملے نے اگلے دن آنے کا کہہ دیا۔
وزیر داخلہ سندھ ضیاالحسن نے واقعے کا نوٹس لیتے ہوئے ایس ایس پی سینٹرل سے رپورٹ طلب کر لی اور تھانہ رضویہ کے ایس ایچ او کے کوائف اور جرائم کے خلاف کارکردگی کی تفصیلات فراہم کرنے کی ہدایت کی۔
