ایڈیشنل ڈسٹرکٹ اینڈ سیشن جج جنوبی کی جینڈر بیسڈ وائلنس عدالت نے تیزاب گردی کے مقدمے میں ملزم محمد رمضان کو 14 سال قید اور 10 لاکھ روپے جرمانے کی سزا سنادی۔ عدالت نے متاثرہ خاتون کو 50 ہزار روپے ہرجانہ ادا کرنے کا حکم بھی دیا۔
مزید برآں، متاثرہ خاتون کے دو بیٹوں کو زخمی کرنے کے جرم میں ملزم کو 4، 4 سال قید اور 4 لاکھ روپے ہرجانہ ادا کرنے کا حکم دیا گیا۔ استغاثہ کے مطابق ملزم نے 2022 میں اپنی بہن پر تیزاب پھینکا اور متاثرہ خاتون کا پیچھا کرتے ہوئے دوبارہ تشدد کیا، جبکہ خاتون کے بیٹوں کو چھری کے وار سے زخمی بھی کیا۔
