راولپنڈی کی انسداد دہشتگردی عدالت میں جج امجد علی شاہ نے بانی پی ٹی آئی کے طبی معائنے کی علیمہ خان کی درخواست پر سماعت کی۔
سپرنٹنڈنٹ اڈیالہ جیل نے عدالت میں بانی پی ٹی آئی کی گزشتہ دو سال کی میڈیکل رپورٹ جمع کرائی، جس میں بتایا گیا کہ انہیں دانتوں، کان، ناک، گلے کے مسائل سمیت آنکھوں اور ہڈیوں کے امراض کی شکایات ہیں۔
رپورٹ کے مطابق ماہرین امراض چشم، آرتھوپیڈک سرجنز اور ای این ٹی ماہرین کی جانب سے متعدد بار معائنہ اور علاج کیا گیا ہے، جبکہ کولیسٹرول کی بلند سطح کے لیے بھی ان کا علاج جاری ہے۔
عدالت کو آگاہ کیا گیا کہ بانی پی ٹی آئی کو تمام تجویز کردہ ادویات اور علاج بروقت فراہم کیا جا رہا ہے۔
