گلگت: وفاقی وزیر توانائی اویس احمد خان لغاری نے کہا ہے کہ گلگت بلتستان کا 100 میگاواٹ سولر منصوبہ توانائی اور ماحولیاتی تحفظ کا سنگ میل ہے، جس سے پاکستان صاف اور گرین انرجی کی طرف بڑھ رہا ہے۔ ان کی زیر صدارت اسٹیئرنگ کمیٹی کے اجلاس میں منصوبے کی پیش رفت، تکنیکی اور مالی پہلوؤں کا جائزہ لیا گیا۔
اویس لغاری نے کہا کہ منصوبہ ماحول دوست توانائی کی فراہمی کے ساتھ قومی معیشت اور عوام دونوں کے لیے فائدہ مند ہوگا، جبکہ گلگت بلتستان کے عوام کو سستی اور صاف بجلی فراہم کی جائے گی۔ انہوں نے اسٹیئرنگ کمیٹی کو منصوبے کی بروقت اور شفاف تکمیل یقینی بنانے کی ہدایت دی۔
