پاکستان فلور ملز ایسوسی ایشن نے کہا ہے کہ پنجاب حکومت خیبرپختونخوا کو گندم کی ترسیل کی اجازت نہیں دے رہی، جس سے غذائی قلت کا خدشہ ہے۔ ایسوسی ایشن کے مطابق ملیں نقصان اٹھا رہی ہیں اور مزدور بے روزگار ہونے کا اندیشہ ہے۔
فلور ملز ایسوسی ایشن نے وفاق سے مطالبہ کیا ہے کہ خیبرپختونخوا کی ملوں کو گندم کی فراہمی کے لیے فوری حل نکالا جائے، کیونکہ زیادہ تر گندم پنجاب اور سندھ سے فراہم کی جاتی ہے اور ملز نے ڈیلرز اور کاشتکاروں کو رقوم ادا کر دی ہیں۔ سیلاب کی وجہ سے گندم اور چاول کی فصلیں بھی نقصان کا شکار ہیں۔
