میٹرک امتحانات میں خراب نتائج پر خیبر پختونخوا کے ورکرز ویلفیئر بورڈ نے 15 اسکولز کے پرنسپلز کو معطل کردیا۔
معطل ہونے والوں میں ورکنگ فولکس گرائمر اسکول اکوڑہ خٹک، امان گڑھ، غوری والا، ہری پور ٹو، حطار، کرک، کوہاٹ ون، کوہاٹ ٹو، پشاور ٹو، مردان، شہباز عزمت خیل، صوابی، سوات، تحت بائی اور ہائیر سیکنڈری اسکول کے پرنسپلز شامل ہیں۔
اعلامیے کے مطابق معطل پرنسپلز کی ذمہ داریاں عارضی طور پر وائس پرنسپلز اور سینیئر اساتذہ کو سونپ دی گئی ہیں۔
