ملتان میں چناب کے پانی کے دباؤ میں اضافہ ہونے کے باعث جلالپور پیروالا کے شہریوں کو فوری طور پر مکانات خالی کرکے محفوظ مقامات پر منتقل ہونے کی ہدایت دی گئی ہے۔ سی پی او صادق علی ڈوگر کے مطابق بند کسی بھی وقت ٹوٹ سکتا ہے، اس لیے شہر کی حفاظت کے لیے اقدامات کیے جا رہے ہیں۔
پولیس کی جانب سے شہریوں کو مساجد میں اعلانات کے ذریعے خبردار کیا جا رہا ہے، جبکہ ریسکیو کے لیے 5 تھرمل ٹیکنالوجی ڈرون اور تحصیل جلالپور کے لیے 50 اضافی کشتیاں فراہم کی گئی ہیں۔
سی پی او کا کہنا ہے کہ توقع ہے کہ آج رات تک پھنسے ہوئے تمام افراد کو محفوظ مقامات پر منتقل کر دیا جائے گا۔
