کراچی کے علاقے فیڈرل بی ایریا میں ایک گھر کے 70 فٹ گہرے کنویں میں گرنے والے 50 سالہ شخص کو کئی گھنٹوں کی جدوجہد کے بعد زندہ نکال لیا گیا۔
ریسکیو 1122 کی واٹر ریسکیو ٹیم اطلاع موصول ہونے کے بعد فوری طور پر جائے وقوعہ پر پہنچی اور ایک ایمبولینس اور واٹر ریسکیو وہیکل کے ذریعے متاثرہ شخص کو ریسکیو کیا۔
متاثرہ شخص منیب کو اسپتال منتقل کیا گیا جہاں ان کی حالت خطرے سے باہر بتائی گئی ہے۔
ماہرین کا کہنا ہے کہ فوری ریسپانس اور تربیت یافتہ ٹیم کی موجودگی کی بدولت یہ کامیاب ریسکیو ممکن ہوئی۔
