لاہور ہائیکورٹ نے بانی پی ٹی آئی عمران خان کے بھانجے حسان نیازی کی ملٹری کسٹڈی اور کورٹ مارشل کارروائی کے خلاف درخواست پر رجسٹرار آفس کے اعتراضات سے متعلق فیصلہ محفوظ کر لیا۔
جسٹس سید شہباز رضوی کی سربراہی میں دو رکنی بنچ نے سماعت کی۔ پنجاب حکومت کے وکیل راؤ اورنگزیب نے مؤقف اپنایا کہ درخواست ناقابلِ سماعت ہے اور رجسٹرار آفس کے اعتراضات درست ہیں۔ دوسری جانب حسان نیازی کے وکیل فیصل صدیقی نے کہا کہ ان کی کسٹڈی ایس ایچ او کے ذریعے ملٹری کو دی گئی، جبکہ باقی ملزمان عدالت کے حکم پر دیے گئے تھے، لہٰذا اعتراضات درست نہیں۔
عدالت نے دلائل سننے کے بعد فیصلہ محفوظ کر لیا۔ واضح رہے کہ حسان نیازی نے اپنی ملٹری تحویل اور کورٹ مارشل کارروائی کو چیلنج کر رکھا ہے۔
