ہالی ووڈ کے اداکار ٹام کروز اور ان کی گرل فرینڈ آنا دے آرمس ایک غیر معمولی شادی کی منصوبہ بندی کر رہے ہیں، جس میں خلا میں شادی کرنے یا اسکائی ڈائیونگ کے دوران وعدے کرنے کے امکانات بھی شامل ہیں۔
رپورٹس کے مطابق دونوں چاہتے ہیں کہ ان کی شادی دنیا بھر میں یادگار بنے اور ان کے ایڈونچر اور دلیرانہ انداز کی عکاسی کرے۔ 63 سالہ ٹام کروز اور 37 سالہ آنا دے آرمس اس سال اپنے رومانوی تعلقات میں مزید قریب آئے ہیں اور جلد ایک سپرنیچرل اوشن تھرلر فلم ’ڈیپر‘ میں بھی ساتھ کام کریں گے۔
ٹام کروز کی سابقہ شادیاں تین ہیں، مگر وہ امید رکھتے ہیں کہ یہ نیا رشتہ سب سے پائیدار ہوگا۔ ذرائع کے مطابق دونوں چاہتے ہیں کہ ان کی شادی نہ صرف شاندار ہو بلکہ تاریخ میں منفرد مثال کے طور پر درج ہو۔
