لاہور کے قذافی اسٹیڈیم میں جنوبی افریقا کے خلاف پہلے ٹیسٹ کے چوتھے روز ایک نوجوان نے سیکیورٹی حصار توڑ کر ڈریسنگ روم تک پہنچنے کی کوشش کی۔ نوجوان، جس کی شناخت 15 سالہ حمزہ کے طور پر ہوئی، بابر اعظم سے آٹوگراف لینے کے لیے گیا تھا۔
گلبرگ پولیس نے نوجوان کو حراست میں لے کر مقدمہ درج کیا، جس میں ممنوع مقام اور کار سرکار میں مداخلت کی دفعات شامل کی گئی ہیں۔
ڈریسنگ روم میں موجود کھلاڑی نوجوان کو دیکھ کر حیران ہوئے، اور سیکیورٹی عملے نے ان کی نشاندہی پر نوجوان کو فوری طور پر حراست میں لے لیا۔
