اوٹاوا: معروف بھارتی پنجابی گلوکار تیجی کالون پر کینیڈا میں فائرنگ، گروپ نے ذمہ داری قبول کر لی
معروف پنجابی گلوکار تیجی کالون مبینہ طور پر کینیڈا میں قاتلانہ حملے میں زخمی ہو گئے۔ بھارتی میڈیا کے مطابق ملزمان نے سوشل میڈیا پیغام میں دعویٰ کیا کہ گلوکار کو پیٹ میں گولی لگی ہے اور ذمہ داری روہت گودرا کے گروپ نے قبول کی ہے۔
ملزمان نے پیغام میں الزام لگایا کہ تیجی مخالف گروہوں کو ہتھیار اور رقم فراہم کرتا رہا ہے اور وہ ان کا مخبر بھی ہے، اور کہا کہ اگر وہ سمجھ گیا تو ٹھیک ورنہ اگلی بار اسے ختم کر دیں گے۔
کینیڈین حکام نے واقعے کی تفتیش شروع کر دی ہے اور مقامی پولیس سی سی ٹی وی فوٹیج، شواہد اور عینی شاہدین کے بیانات اکٹھے کر رہی ہے۔
