اسلام آباد: چیئرمین پاکستان پیپلز پارٹی بلاول بھٹو زرداری سربراہ جے یو آئی مولانا فضل الرحمان سے ملاقات کے لیے ان کی رہائش گاہ پہنچ گئے۔
ذرائع کے مطابق ملاقات میں ملکی سیاسی صورت حال پر تفصیلی تبادلہ خیال کیا گیا۔ بلاول بھٹو زرداری کے ہمراہ نیر حسین بخاری، ہمایوں خان اور جمیل سومرو موجود تھے، جبکہ جے یو آئی کی جانب سے سابق وفاقی وزیر مولانا اسعد محمود اور مفتی ابرار شریک ہوئے۔
