اسلام آباد: وفاقی وزیر صحت مصطفی کمال کی بحرین کی وزیرِ صحت سے ملاقات ہوئی، جس میں صحت کے شعبے سمیت دوطرفہ تعاون اور باہمی دلچسپی کے امور پر بات چیت کی گئی۔
ترجمان وزارت صحت کے مطابق ملاقات میں دونوں رہنماؤں نے صحت کے شعبے میں تعاون بڑھانے کی اہمیت پر زور دیا۔
اس موقع پر مصطفی کمال نے کہا کہ بحرین کے ساتھ پاکستان کے گہرے دوستانہ تعلقات ہیں اور صحت کے شعبے میں مزید تعاون اور سرمایہ کاری کے امکانات پر بھی تبادلہ خیال کیا گیا۔
وفاقی وزیر صحت نے کہا کہ دونوں ممالک کے درمیان تعاون بڑھانے سے نہ صرف خطے میں صحت کی سہولتیں بہتر ہوں گی بلکہ دونوں ممالک کے عوام کی صحت کے معیار میں بھی بہتری آئے گی۔ انہوں نے کہا کہ صحت کے شعبے میں بہتری ہماری اولین ترجیح ہے۔
