ریاض: سعودی عرب دنیا کا پہلا اسکائی اسٹیڈیم بنانے کی تیاری کر رہا ہے، جسے نیوم کا نام دیا گیا ہے۔ عالمی خبررساں ادارے کی رپورٹس کے مطابق یہ منفرد اسٹیڈیم زمین سے تقریباً 350 میٹر (1150 فٹ) کی بلندی پر ہوا میں معلق ہوگا۔
اسٹیڈیم کے 2032 میں افتتاح کا امکان ہے اور اس میں فیفا ورلڈکپ 2034 کے میچز بھی منعقد کیے جائیں گے۔ نیوم اسٹیڈیم میں 46 ہزار شائقین کے بیٹھنے کی گنجائش ہوگی اور اسے مکمل طور پر قابل تجدید توانائی، جیسے شمسی، ہوا اور پانی سے پیدا ہونے والی بجلی، سے چلانے کے لیے ڈیزائن کیا جا رہا ہے۔
سوشل میڈیا پر زیر گردش رپورٹس کے مطابق نیوم اسٹیڈیم صرف کھیلوں کا مرکز نہیں بلکہ ایک ثقافتی، تفریحی اور سماجی مرکز بھی ہوگا۔ یہاں مردوں اور خواتین کے پیشہ ور فٹبال کلبز قائم ہوں گے جبکہ سال بھر مختلف عالمی ایونٹس کا انعقاد بھی متوقع ہے۔
