سابق ٹیسٹ کرکٹر وہاب ریاض کو پاکستان کرکٹ بورڈ کی جانب سے ایک بار پھر اہم ذمہ داری سونپ دی گئی ہے۔ ذرائع کے مطابق انہیں پاکستان ویمن کرکٹ ٹیم کا کنسلٹنٹ مقرر کر دیا گیا ہے۔
وہاب ریاض گزشتہ چند ہفتوں سے ویمن کرکٹ ڈیپارٹمنٹ کے ساتھ منسلک تھے اور اب وہ عارضی طور پر ویمن ٹیم کے معاملات دیکھیں گے۔ ذرائع کا کہنا ہے کہ وہ ڈائریکٹر ویمن کرکٹ کے ساتھ مل کر مستقبل کے منصوبے ترتیب دیں گے۔
ذرائع کے مطابق پاکستان ویمن ٹیم کے سپورٹ اسٹاف میں بھی تبدیلیوں کا فیصلہ کیا گیا ہے اور سابق ٹیسٹ کرکٹر عمران فرحت کو بھی سپورٹ اسٹاف کا حصہ بنائے جانے کا امکان ہے۔
پاکستان کرکٹ بورڈ جلد ویمن ٹیم کے ہیڈ کوچ اور سپورٹ اسٹاف کا باضابطہ اعلان کرے گا۔
