سعودی عرب کے وزیراعظم اور ولی عہد محمد بن سلمان امریکا کے دورے پر واشنگٹن روانہ ہو گئے ہیں، جہاں وہ امریکی صدر ڈونلڈ ٹرمپ سے ملاقات کریں گے۔ عرب میڈیا کے مطابق یہ دورہ امریکی صدر کی خصوصی دعوت پر ہو رہا ہے۔
عرب اور امریکی میڈیا کے مطابق ملاقات انتہائی اہمیت کی حامل ہے اور اس میں دفاعی تعاون سے متعلق معاہدوں، خصوصاً امریکا کی جانب سے سعودی عرب کو دفاعی سامان کی فروخت پر بات چیت متوقع ہے۔
ملاقات کے دوران اے آئی ٹیکنالوجی، اسرائیل اور غزہ کی صورتحال، ایٹمی توانائی سمیت مختلف اہم امور پر بھی تبادلہ خیال کیا جائے گا۔
