یمن میں حوثی باغیوں نے اسرائیل اور مغربی ممالک کے لیے جاسوسی کرنے کے الزام میں 17 افراد کو فائرنگ اسکواڈ کے ذریعے سزائے موت دے دی۔ حوثی میڈیا کے مطابق یہ افراد امریکا، اسرائیل اور سعودی خفیہ اداروں سے منسلک جاسوسی کے نیٹ ورک کا حصہ تھے۔
سرکاری خبر رساں اداروں کے مطابق عدالت نے 17 افراد کو پھانسی کی سزا سنائی اور عملدرآمد بھی کر دیا گیا، جبکہ ایک خاتون اور ایک مرد کو 10 سال قید کی سزا دی گئی اور ایک شخص کو الزامات سے بری کر دیا گیا۔ مجموعی طور پر ٹرائل میں 20 افراد شامل تھے۔
مقامی میڈیا کے مطابق یہ افراد 2024 اور 2025 کے دوران مختلف ممالک کے لیے جاسوسی کر رہے تھے، جس میں برطانیہ بھی شامل تھا۔ موساد کے افسران ان افراد سے رابطے میں تھے اور ان کی معلومات کی بنیاد پر متعدد حملے کیے گئے، جس میں شہری ہلاک اور عمارتیں تباہ ہوئیں۔
یمن کے حوثیوں نے گزشتہ ماہ غزہ جنگ بندی کے بعد حملے روک دیے تھے، تاہم یہ سزائیں اس سے قبل ہونے والی کارروائیوں کی سزا کے طور پر عمل میں آئیں۔
