آسٹریلیا دنیا کا پہلا ملک بن گیا ہے جہاں بچوں کے لیے سوشل میڈیا استعمال پر قانونی پابندی نافذ کی گئی ہے۔ نئے قانون کے تحت 10 دسمبر سے میٹا، ٹک ٹاک، یوٹیوب اور دیگر پلیٹ فارمز 16 سال سے کم عمر بچوں کے اکاؤنٹس بنانے کی اجازت نہیں دیں گے۔
حکومت نے والدین کی بجائے سوشل میڈیا کمپنیوں کو ذمہ دار قرار دیا ہے اور خلاف ورزی کی صورت میں بھاری جرمانے عائد کیے جائیں گے۔ قانون کا مقصد بچوں کو نقصان دہ مواد اور الگورتھمز سے بچانا ہے، جبکہ سوشل میڈیا کمپنیوں کو کم عمر صارفین کی نشاندہی اور اکاؤنٹس کی نگرانی لازمی قرار دی گئی ہے۔
