اسرائیلی وزیر دفاع اسرائیل کاٹز نے کہا ہے کہ اسرائیلی فوج غزہ کے اندر موجود ہے اور اسرائیل کبھی بھی غزہ نہیں چھوڑے گا۔ انہوں نے مقبوضہ مغربی کنارے میں ایک تقریب سے خطاب میں کہا کہ فوج دفاعی مقاصد کے لیے تعینات ہے تاکہ ماضی کے واقعات دوبارہ نہ ہوں۔
کاٹز نے مزید کہا کہ اسرائیل اپنے دفاع پر خود بھروسہ کرتا ہے اور کسی دوسرے پر انحصار نہیں کر سکتا۔ انہوں نے اعلان کیا کہ مناسب وقت پر شمالی غزہ میں شہری اور فوجی یونٹس بھی تعمیر کیے جائیں گے اور یہ اقدامات سرکاری طور پر نافذ کیے جائیں گے۔
