کمانڈر متحدہ عرب امارات نیول فورسز میجر جنرل سٹاف حمید محمد عبداللہ الرمیتھی نے نیول ہیڈ کوارٹرز اسلام آباد میں سربراہ پاک بحریہ ایڈمرل نوید اشرف سے ملاقات کی۔
آئی ایس پی آر کے مطابق معزز مہمان کو گارڈ آف آنر پیش کیا گیا۔ ملاقات میں خطے کی سکیورٹی صورتحال، باہمی دلچسپی کے امور اور دفاعی تعاون پر تبادلہ خیال ہوا۔
ایڈمرل نوید اشرف نے خطے میں امن و استحکام کے لیے پاک بحریہ کی کاوشوں پر روشنی ڈالی، جبکہ کمانڈر یو اے ای نیول فورسز نے ان اقدامات کو سراہا۔
دونوں ممالک نے دفاعی تعلقات کو مزید مضبوط بنانے کے عزم کا اظہار کیا۔ ترجمان کے مطابق اس دورے سے پاکستان اور یو اے ای کے فوجی روابط مزید مستحکم ہوں گے۔
