انسداد دہشت گردی کی خصوصی عدالت راولپنڈی نے جی ایچ کیو حملہ کیس میں بانی چیئرمین پی ٹی آئی عمران خان سے دو وکلاء کی ملاقات کی اجازت دے دی۔
خصوصی عدالت کے جج امجد علی شاہ نے فیصل ملک اور حسنین سنبل کی درخواست منظور کرتے ہوئے حکم دیا کہ دونوں وکلاء کی آج اڈیالہ جیل میں ملاقات کرائی جائے۔
عدالت نے ریمارکس دیے کہ کیس میں وکلاء کی اپنے مؤکل سے مشاورت آئینی و قانونی تقاضا ہے۔ سپرنٹنڈنٹ اڈیالہ جیل کو ہدایت کی گئی کہ ملاقات کے بعد کل (جمعہ) عمل درآمد رپورٹ عدالت میں پیش کی جائے۔
