بھارتی کرکٹ ٹیم کے سابق کپتان کپل دیو نے کہا ہے کہ پاکستان اور بھارت کے درمیان مسائل کو بات چیت کے ذریعے حل کیا جانا چاہیے۔
بھارتی میڈیا کو انٹرویو میں کپل دیو کا کہنا تھا کہ کھیل میں ہاتھ ملانا بڑی بات نہیں، دونوں ممالک اچھے پڑوسی ہیں تو اچھا پڑوسی ہونے کا ثبوت دینا چاہیے۔
انہوں نے کہا کہ بھارت کو بڑے بھائی کی حیثیت سے آگے بڑھ کر مسائل حل کرنے کی کوشش کرنی چاہیے۔
کپل دیو کے مطابق ماضی کو بھلا کر دونوں ملک بہتر مستقبل کے لیے مذاکرات کریں۔
