اسلام آباد کی انسداد دہشت گردی عدالت نے جوڈیشل کمپلیکس حملہ کیس میں پاکستان تحریک انصاف کے رہنما شبلی فراز سمیت دیگر رہنماؤں کے ناقابل ضمانت وارنٹ گرفتاری جاری کر دیے۔
اے ٹی سی کے جج طاہر عباس سپرا نے تھانہ رمنا کے مقدمہ نمبر 153 میں یہ وارنٹ جاری کیے۔ وارنٹ گرفتاری والے رہنماؤں میں میجر (ر) طاہر صادق اور علی نواز اعوان بھی شامل ہیں۔
عدالت نے بانی پی ٹی آئی عمران خان کے حوالے سے وزارت داخلہ کو ایک بار پھر لیٹر بھیجا جبکہ ان کے بھانجے حسان نیازی کے بارے میں رپورٹ طلب کی۔
خیال رہے کہ پی ٹی آئی رہنما مراد سعید اور حماد اظہر کو مقدمے میں پہلے ہی اشتہاری قرار دیا جا چکا ہے۔ عدالت نے کیس کی مزید سماعت یکم نومبر تک ملتوی کر دی۔
رہنماؤں پر الزام ہے کہ بانی پی ٹی آئی کی پیشی کے دوران جوڈیشل کمپلیکس میں توڑ پھوڑ کی گئی۔
