پاکستان پیپلز پارٹی کے چیئرمین بلاول بھٹو زرداری نے اسرائیل کی جانب سے گلوبل صمود فلوٹیلا کو روکے جانے اور سابق سینیٹر مشتاق احمد خان سمیت تمام افراد کو حراست میں لینے پر شدید ردعمل دیا ہے۔
اپنے بیان میں بلاول بھٹو زرداری نے کہا کہ کھانا اور دوا کوئی خطرہ نہیں، اسرائیل نے فلوٹیلا کو روک کر ڈاکٹروں اور رضاکاروں کو گرفتار کر کے انسانیت پر کھلا حملہ کیا ہے۔
انہوں نے کہا کہ پاکستان کے سینیٹر مشتاق احمد خان کو حراست میں لینا بین الاقوامی قوانین کی صریح خلاف ورزی ہے۔
چیئرمین پیپلز پارٹی نے مزید کہا کہ غزہ کے لیے انسانی راہداری کھولی جائے اور فلسطینی عوام کو انصاف فراہم کیا جائے۔
