امریکی صدر ڈونلڈ ٹرمپ نے کہا ہے کہ انہوں نے دنیا کی سات جنگیں روکی ہیں اور اب آٹھویں بھی جلد ختم ہوگی۔ انہوں نے غزہ امن معاہدے پر فریقین کے اتفاق کا کریڈٹ لیا اور کہا کہ ایران پر حملہ اس معاہدے تک پہنچنے کے لیے ضروری تھا۔
صدر ٹرمپ نے عندیہ دیا کہ وہ معاہدے پر دستخط کے لیے میزبان ملک مصر جائیں گے اور اس کے بعد اسرائیل کا بھی دورہ کریں گے۔ انہوں نے کہا کہ غزہ کی پٹی دوبارہ تعمیر کی جائے گی اور ایران بھی امن کے لیے تعاون کرے گا۔
انہوں نے بتایا کہ پیر یا منگل تک اسرائیلی یرغمالیوں کی رہائی ممکن ہے، جس کے بعد غزہ جنگ ہمیشہ کے لیے ختم ہو جائے گی۔ ابتدائی مرحلے میں چند روز کے لیے جنگ بندی ہوگی، امدادی سامان غزہ میں داخل ہوگا اور حماس اسرائیلی یرغمالیوں کو رہا کرے گا، جبکہ اسرائیل فلسطینی قیدیوں کو رہا کرے گا۔
