پنجاب حکومت نے بلدیاتی انتخابات کے انعقاد کے لیے عملی قدم اٹھا لیا ہے۔ لوکل گورنمنٹ بل 2025 کو پیر کے اجلاس میں پنجاب اسمبلی میں منظوری کے لیے پیش کیا جائے گا۔
بل کو اسمبلی کے ایجنڈے میں باقاعدہ شامل کر لیا گیا ہے۔ اس سے قبل اسٹینڈنگ کمیٹی برائے لوکل گورنمنٹ نے طویل مشاورت کے بعد بل کی منظوری دی تھی۔
اس قانون کے منظور ہوتے ہی صوبے میں بلدیاتی انتخابات کے انعقاد کا عمل واضح اور متحرک ہو جائے گا۔
