لاہور میں گورنر پنجاب سردار سلیم حیدر خان نے پنجاب کابینہ میں شامل ہونے والے نئے وزرا رانا محمد اقبال اور منشا اللہ بٹ سے ان کے عہدوں کا حلف لیا۔
گورنر ہاؤس میں منعقدہ تقریب میں اسپیکر پنجاب اسمبلی ملک احمد، ڈپٹی اسپیکر ظہیر اقبال چنڑ، سینئر صوبائی وزیر مریم اورنگزیب، چیف سیکرٹری پنجاب اور پوری صوبائی کابینہ موجود تھی۔
وزیراعلیٰ کی حال ہی میں مقرر کی جانے والی ایڈوائزر انوشہ رحمان نے بھی تقریب میں شرکت کی، جبکہ چیف سیکرٹری پنجاب نے تقرر نامہ پڑھ کر سنایا۔
حلف برداری تقریب میں سیاسی و سماجی شخصیات کی بڑی تعداد نے بھی شرکت کی۔
