فلسطینی مزاحمتی تنظیم حماس نے غزہ جنگ بندی معاہدے کے تحت ایک اور یرغمالی کی لاش اسرائیل کے حوالے کی ہے، جس کی تصدیق اسرائیلی فوج نے بھی کر دی۔
اسرائیلی میڈیا کے مطابق لاش کو شناخت کے لیے فارنزک انسٹیٹیوٹ منتقل کیا گیا ہے اور شناخت ہونے کے بعد گھر والوں سے رابطہ کیا جائے گا۔ حماس کے پاس ابتدائی طور پر 28 یرغمالیوں کی لاشیں موجود تھیں، جن میں سے 23 کو پہلے ہی اسرائیل کے حوالے کیا جا چکا ہے۔ اب بھی حماس کے پاس پانچ یرغمالیوں کی لاشیں موجود ہیں، جنہیں جلد اسرائیل کے حوالے کرنے کا اعلان کیا گیا ہے۔
