پیپلزپارٹی نے فیصل ممتاز راٹھور کو وزیراعظم آزاد کشمیر کے لیے نامزد کر دیا ہے۔ راجہ پرویز اشرف کے مطابق آج ہی وزیراعظم کے خلاف تحریکِ عدم اعتماد جمع کرائی جائے گی اور ووٹنگ پیر کو ہوگی۔ پیپلزپارٹی کا کہنا ہے کہ ان کے پاس حکومت بنانے کے لیے مطلوبہ تعداد موجود ہے، جبکہ پارٹی رہنماؤں نے اسے کشمیر کے موجودہ حالات میں صحیح فیصلہ قرار دیا ہے۔ دوسری جانب وزیراعظم آزاد کشمیر چودھری انوار الحق نے استعفیٰ سے انکار کرتے ہوئے عدم اعتماد کا مقابلہ کرنے کا اعلان کیا ہے۔
